Delegacioni i Bashkimit Europian në Tiranë ka reaguar në kundërtshtim të dhunës së ushtruar ditën e sotme në protestën e organizuar nga opozita. Ata kanë kërkuar që qytetarët të përmbahen dhe të protestojnë në mënyrë paqësore.
“Delegacioni i Bashkimit Evropian dhe Ambasadat e Shteteve Anëtare në Tiranë u bëjnë thirrje të gjitha palëve të tregojnë përmbajtje të menjëhershme. E drejta e qytetarëve për t’u shprehur përmes protestës paqësore është një vlerë thelbësore e një demokracie moderne evropiane. – thuhet në reagimin e delegacionit të BE.
Megjithatë, dëmtimi i pronës publike dhe përdorimi i dhunës nuk janë të pranueshme. Ne u bëjmë thirrje të gjitha palëve të bëjnë çmos për të shmangur dhunën dhe çrregullimin e mëtejshëm.” mbyllet reagimi i delegacionit te BE.
