Unanimisht, Komisioni i Ligjeve në Parlamentin shqiptar ka votuar për protokollin e anëtarësimit të Maqedonisë së Veriut në Aleancën e Atlantikut të Veriut.
Anëtarët e opozitës dhe të mazhorancës votuan pro protokollit, i cili i hap rrugë anëtarësimit të Maqedonisë së Veriut në NATO, si anëtarja e 30-të.
Ky miratim i ndez dritën jeshile Kuvendit të Republikës ditën e enjte, i cili pritet të ratifikojë po ashtu unanimisht për një kapitull të ri të shtetit fqinj.
Në seancën e së enjtes në Parlamentin shqiptar pritet të jetë i pranishëm edhe kreu i Kuvendit të Maqedonisë, Talat Xhaferi.
