Presidenti i Greqisë Prokopis Pavlopoulos, vazhdon të përsërisë se Shqipëria duhet të respektojë të drejtat e minoritetit grek sipas të gjitha konventave ndërkombëtare.Në të kundërt, ai shprehet se Shqipëria mund të hasë pengesa në antarësimin në BE.
Pas takimit që pati me Presidenten kroate Kolinda Grabar-Kitarovic, nga Kroacia Prokopis Pavlopoulos theksoi:
“Ne mbështesim perspektivën evropiane. Por është e qartë edhe kërkesa për të respektuar të drejtën ndërkombëtare dhe evropiane për të drejtat themelore të njeriut. Sjellje të tilla si ato kundër pakicës greke që cënojnë të drejtën e pronës, përbëjnë një pengesë të pakapërcyeshme në kursin evropian të Shqipërisë”.
