Shkatërrohet një grup i strukturuar kriminal i cili falsifikonte dokumenta për të kaluar ilegalisht qytetarë jashtë vendit. Grupi me 35 persona, ndër të cilët 30 prej tyre të arrestuar, është shkatërruar prej policisë së shtetit në bashkëpunim me partnerët ndërkombëtarë.
Është shpallur në kërkim koka e këtij grupi, shtetasi me iniciale G.B.
Arrestimet e anëtarëve të këtij grupi kriminal janë bërë në Shqipëri, por edhe jashtë vendit. Destinacionet ku dërgonin qytetarë me dokumenta të falsifikuara janë SHBA dhe Kanada.
