Kreu i Partisë Demokratike, Lulzim Basha, ishte sërish sonte në protestën e banorëve të 'Astirit'. Ai i kërkoi prokurorisë të nisë hetimet ndaj Erion Veliajt për blerjen e votave në këshillin Bashkiak të Tiranës.
Basha tha se as kryeministri Rama dhe as kryebashkiaku Veliaj nuk do ta kenë fundin askund tjetër përveçse në burgun 313.
"Drejtësia do të pastrohet dhe rinia e Astirit mbani vesh, as Edi Rama dhe as Erion Veliaj nuk kanë për shkuar në asnjë vend tjetër përveçse në burgun 313, aty ku çuan me të padrejtë fëmijë 13 vjeçarë dhe nëna shtatzëna se mbronin pragun e shtëpive të tyre. Nuk do ti lejojmë të arratisen nga Shqipëria por do të japin përgjegjësi para drejtësisë", tha Basha.
