Shembka e urës “Morandi” në Xhenoa të Italisë mesditën e djeshme, ka shkaktuar të paktën 39 viktima, dy prej të cilëve shqiptarë.
Ky është një nga aksidentet më të përgjakshme të këtij lloji në botë, vitet e fundit.
Më poshtë, shembjet më të përgjakshme të urave në botë në 20 vitet e fundit:
2016: të paktën 26 të vdekur në Kalkuta nga rënia e një ure më 31 mars.
2011: të paktën 32 të vdekur nga rrëzimi i një ure në Indi, në qytetin Darxheling më 23 tetor.
2007: të paktën 64 të vdekur nga rrëzimi i një ure në provincën Hunan, në Kinë. Kjo vepër, e gjatë 328 metra, sapo ishte inauguruar.
2017: të paktën 16 të vdekur nga rrëzimi i një ure në Nepal më 25 dhjetor.
2006: të paktën 40 të vdekur pas rënies së një ure në Mardan, Pakistan, më 5 gusht.
2006: të paktën 34 të vdekur, nga rrëzimi i një ure të vjetër 150 vjeçare në Bihar, Indi, më 2 dhjetor.
2003: të paktën 20 të vdekur nga të cilët 19 fëmijë nga rënia e një ure në Daman, Indi, më 28 gusht.
2003: të paktën 29 të vdekur nga rrëzimi i një ure në Çapare, në Bolivi, më 24 dhjetor.
2001: të paktën 58 të vdekur nga rrëzimi i një ure në Kastelo de Paiva, në Portugali, më 4 mars.
1999: të paktën 40 të vdekur nga rrëzimi i një ure 180 metra të gjetë në qytetin Çongqing, në Kinë, më 4 janar.
1998: të paktën 26 të vdekur nga rrëzimi i një ure prej 200 metrash të gjatë në Piura, në Peru, më 16 mars.
