Kreu i PD, Lulzim Basha ka reaguar sot për herë të parë pas fotos që i nxori në Kuvend socialisti Taulant Balla, ku Basha sipas tij ishte fotografuar me vëllain e njërit prej të kërkuarve si porositës të 3.4 milionë eurove me Toyota.
Ne një prononcim për mediat jashtë selisë blu, Basha i është përgjigjur interesit te gazetareve për atë foto për te cilën e ka akuzuar Balla.
“Unë takoj mijëra njerëz. Fotoja vërteton se Balla është kapobanda dhe e ka marrë atë foto nga banda e Elbasanit. Unë takoj mijëra njerëz, nuk më ka prezantuar njeri me të, nëse është ai ta marrim ta arrestojnë, ta arrestojnë qe sot. Nuk e mbaj mend, disa thotë që ka qenë në kuadër të fushatës së zgjedhjeve të pjesshme në Dibër, por unë takoj me mijëra njerëz, personi në fjalë nuk më thonë asgjë” - tha Basha.
