Në Tiranë është goditur një tjetër rast i tentativës për të korruptuar policinë.
Raportohet se nga shërbimet e Policisë Rrugore të Tiranës u arrestua në flagrancë 23-vjeçari Pando Ç., banues në Ersekë, pasi rreth orës 18:40, në rrugën e “Dibrës”, në afërsi të kryqëzimit të “Farmacisë Nr. 10”, u kap duke kaluar semaforin me të kuqe, dhe tentoi t'i jepte policit rrugor 20 mijë lekë të vjetra për të shmangur gjobën.
Siç mund ta shihni në videon e mëposhtme, polici rrugor njoftoi punonjës të policisë së rendit për ta shoqëruar atë në komisariatin nr.4 për veprën penale "Korrupsion aktiv ndaj personave që ushtrojnë funksione publike".
