Kronika me banorët e fshatrave ku po ndërtohen inceneratorët e plehrave dhe që kujtonte se pas këtyre projekteve janë kompani nga zonat off shore, u transmetua nga Zëri i Amerikës dhe duket se ka ngacmuar kryeministrin që njësoj si mediave të tjera në Tiranë i është përgjigjur me gjuhën e zakonshme të arrogancës dhe harbutërisë.
"Ju ftoj të gjithëve të mos dëgjoni zhurmën e kënetave politike e mediatike ku gëlojnë njëmijë e një të zezat kundër këtyre projekteve kaq të dobishme për mjedisin e shëndetin" shkruan Rama mes të tjerash në një status në Facebook.
Pasi etiketon si kënetë mediatike Zërin e Amerikës, Rama ka postuar një film vizatimor tredimensional për t'iu shmangur akuzave se pas inceneratorëve qëndron një aferë korrupsioni e gatuar në nivelet më të larta të qeverisë. Më poshtë statusi i plotë i Ramës dhe kronika e Zërit të Amerikës:
