Gjatë natës është grabitur për herë të dytë brenda një muaji, Prokuroria e Durrësit. Sipas informacioneve të deri tanishme, mësohet se grabitësit ende të pa identifikuar kanë grabitu zyrën e një prokuro dhe një oficeri të policisë gjyqësore, por kanë marrë edhe serverin e kamerave.
Menjëherë pas kësaj grabitje ka ardhur një reagim nga vetë organi i akuzës, ku thuhet se janë nisur hetimet dhe bërja e inventarit, po ashtu ka nisur dhe një procedim penal. Lidhur me rastin është regjistruar procedimi penal për nenet 293/c/2 dhe 313/a dhe 333/a dhe 334 i Kodit Penal”, thuhet në njoftimin e Prokurorisë. Por në nenet e cituara nga Prokuroria për këtë hetim, bëhet fjalë për një grup të strukturuar kriminal.
Pikërisht neni 333 pika a thotë: Grupi i strukturuar kriminal. Krijimi, organizimi ose drejtimi i një grupi të strukturuar kriminal për kryerjen e veprave penale dënohen me burgim nga tre deri në tetë vjet. Pjesëmarrja në grupin e strukturuar kriminal dënohet me burgim nga dy deri në pesë vjet.
