Pete Marocco, zv/ndihmës sekretari amerikan i shtetit zhvillon një vizitë në Tiranë ditën e shtunë, në të njëjtën ditë kur opozita organizon protestën në Bulevardin "Dëshmorët e Kombit" nga ku do kërkojnë dorëheqjen e Fatmir Xhafajt.
Vizita e Marocco vjen një vit pas vizitës së Hoyt Brian Yee, i cili zgjidhi konfliktin tre mujor mes forcave politike shqiptare me marrëveshjen e 18 majit Rama-Basha. Ndërsa vizita e të shtunës vjen në një moment sërish të tensionuar, pasi opozita do mbajë një protestë prej orës 11:00.
Pete Maroko viziton Shqipërinë në takimin e 15-të të Europës Juglindore që mbahet në Tiranë për sigurinë rajonale dhe ekstremizmit të dhunshëm. Në takim do të marrin pjesë edhe liderët e Ballkanit Perëndimor. Pete Maroko do të jetë në Tiranë dhe Shtudgard ku do të zhvillojë konsultimet me bazat ushtarake EUCOM dhe AFRICOM.
Ende nuk dihet nëse Pete Maroko do të zhvillojë takime të nivelit politik në Shqipëri, duke qenë se vizita e tij kryehet në momentin kur opozita do të jetë në shesh në një protestë të paralajmëruar kundër qeverisë për çështjen Xhafaj.
