Në vendin e quajtur "Sahati" në Vlorë, një 31-vjeçar qëlloi një herë me armë zjarri brenda një lokali.
Policia sqaroi se ngjarja ndodhi rreth orës 17:39, kur 31-vjeçari Besmir Gj. hapi zjarr në lokal.
Nga e shtëna nuk ka të plagosur, edhe pse fillimisht u raportua ndryshe. Një masakër e mundshme është parandaluar nga efektivët e policisë të pranishëm aty, të cilët u ndihmuan edhe nga persona të tjerë që gjendeshin pranë.
31-vjeçari u neutralizua pasi qëlloi me armë. Ai tani ndodhet në komisariat në Vlorë.
Në cilësinë e provës materiale është sekuestruar arma e zjarrit dhe një gëzhojë. Vijon puna për zbardhjen e plotë të rrethanave të ngjarjes në fjalë.
