Gazetarët nuk patën mundësi të fiksojnë një moment nga hyrja e ish ministrit të Brendshëm, Saimir Tahiri në Gjykatën e Krimeve të Rënda, ku ai do të njihet me masën e sigurisë "arrest shtëpie".
Tahiri u soll nga shtëpia e tij në gjykatë i shoqëruar nga policia dhe ka zgjedhur të futet në ambjentet e gjykatës nëpërmjet garazhit.
Foto më lart është bërë në ambjentet e gjykatës dhe duket prokurori i çështjes Besim Hajdarmataj para se të hyjë në seancë.
Për Tahirin është hera e parë që del nga shtëpia pas katër ditësh të gjata. Të shtunën pasdite prokurorët e njohën me vendimin e gjykatës për të qëndruar në arrest shtëpie, në bazë të akuzave të njohura për të për trafik ndërkombëtar droge dhe pjesmarrje në organizatë kriminale.
