Në selinë e PD kanë zbarkuar oficerët e policisë gjyqësore për të marrë audio-përgjimin e publikuar të hënën nga tre zyrtarët demokratë, ku dilte emri i vëllait të ministrit të Brendshëm Fatmir Xhafaj, Agronit, i cili fliste me një person që quhej bashkëpunëtori X për një çështje trafiku droge.
Por pak ore pas publikimit te kësaj audioje, Agron Xhafaj përmes avokatit te tij depozitoi ne Prokurori një kallëzim penal për 3 zyrtaret e PD, pasi pretendonte se ata kane sajuar prova dhe se ne audio nuk është aspak zëri i tij.
