Një i ri ka gjetur vdekjen në Tiranë pasi kishte marrë mbidozë heroine. Ngjarja konfirmohet nga policia e kryeqytetit, e cila thotë se A.T., 32 vjeç, është gjetur i vdekur në një ndërtesë të braktisur në rrugën “Llambi Bonata”, në zonën e Kombinatit, ku edhe banonte.
Ai rezultonte përdorues i lëndës narkotike të llojit heroinë prej shume vitesh. Grupi hetimor, pranë kufomës gjeti dhe sekuestroi në cilësinë e provës materiale 4 shiringa me age të freskëta. Nga veprimet rezultoi se, vdekja dyshohet se është shkaktuar nga overdoza e heroinës. Materialet hetimore do ti kalojnë Prokurorisë së Rrethit Gjyqësor Tiranë, njofton Policia.
©LAPSI.al
