Këngëtarja nuk ka dalë aspak e kënaqur nga labeli i cili kishte edhe të drejtat autoriale të këngës si dhe menaxhonte në fillimet e saj.
Ky label e kushtëzonte Bebe-në në publikimin e këngëve me pretekstin se kënga nuk ishte mjaftueshëm e bukur. Ndërkohë këngëtarja ka shpjeguar në Twitter se kënga është një “diss” ndaj labelit të saj të kaluar dhe është plot me sarkazma dhe ironi. “E shkrova “The Way I Are” për labelin tim të kaluar, i cili nuk më lejoi të publikoja asnjë këngë sepse nuk kisha as pamjen e as zërin e një popstar-i”,- shkruan këngëtarja shqiptare në një status. Më pas ajo vazhdon: “Më vjen keq që nuk jam më e bukura. Nuk do të mund të këndoj kurrë si Whitney. Më falni që tekstet e mia nuk janë “cool”. Unë nuk jam asgjë me të cilën jeni mësuar deri tani”. “Pra, “The Way I Are” është një “ik pirdhu” për labelin e njohur”, – shprehet gjithë mllef Bebe. Ndërsa sot menaxhohet nga “Warner Bros. Records”.
