Artisti i cili realizoi bustin e Cristiano Ronaldos që u vendos në aeroportin e Madeiras në Portugali, duke shpërthyer ironinë në rrjete sociale, ka krijuar një bust edhe për lojtarin tjetër të Realit të Madridit, Gareth Bale.
Në prag të ndeshjes finale të Champions League që do të luhet në Cardiff, artisti e ka publikuar bustin në faqen e tij personale.
264 orë pune i janë dashur artistit Emanuel Santos për të krijuar veprën e re të artit.
Por rezultati i fytyrës së Bale edhe njëherë ka shpërthyer humorin në rrjete sociale, sepse ngjashmëria me Bale është thuajse zero. Busti duket si figura e një luftëtari të vjetër të moshë më tepër sesa fytyra e vetë lojtarit uellsian të galaktikëve të Realit të Madridit.
Busti i ri u financua nga PaddyPower, pavarësisht dështimit të plotë në realizimin e statujës së parë.
“Jam i lumtur që u bëra i famshëm për bustin e Ronaldos. Më pas mendova të bëj bustin e një tjetër kampioni dhe për mua është një nder i madh”- ka thënë artisti.
