Në prag të ditës Ndërkombëtare për Familjen (15 maj) dhe në kuadër të Ditës Ndërkombëtare Kundër Homofobisë (17 maj), organizatat për të drejtat e komunitetit LGBT në Shqipëri kanë realizuar një spot publicitar.
Në video tregohen momente nga jeta e përditshme e një çifti lezbikesh të cilat rrisin së bashku fëmijën e tyre. Ai mbyllet me mesazhin “Familja është dashuri dhe përkujdesje”, duke ngritur një çështje themelore për të drejtat e komunitetit LGBT në Shqipëri, siç është e drejta për njohjen ligjore mes partnerëve të të njëjtit seks.
Nuk dihet nëse ky spot do të transmetohet në televizionet e vendit apo projekti do të jetë i pranishëm vetëm në Youtube. Gjithashtu mister mbetet fakti i personazheve që interpretojnë si familje lezbike. A i përkasin ato këtij komuniteti apo janë thjesht aktore në një spot publicitar.
