Situata nga zjarri në zonën e Akërnisë vijon të jetë problematike. Flakët janë përhapur me shpejtësi në një sipërfaqe me bimësi të thatë, ndërsa situata paraqitet shqetësuese edhe në afërsi të aeroportit të Vlorës.
Dyshohet se zjarri mund të jetë i qëllimshëm, ndërkohë si pasojë e flakëve është djegur edhe një stan, por fatmirësisht bagëtitë janë shpëtuar.
Përhapja e zjarrit është favorizuar nga bimësia e thatë dhe era e fortë që fryn në zonë, duke e vështirësuar ndërhyrjen për neutralizimin e flakëve. Në vendngjarje ndodhen dy mjete zjarrfikëse, të cilat po punojnë për izolimin dhe shuarjen e zjarrit.
