Të shtëna me armë u raportuan mbrëmjen e djeshme rreth orës 22:15, në fshatin Barbullush, Vau i Dejës. Në lidhje me këtë, policia përmes një njoftimi zyrtar bën me dije se gjatë një konflikti të çastit mes disa personash, njëri prej tyre, gjatë largimit nga vendi i ngjarjes, ka qëlluar me armë zjarri në ajër.
Menjëherë pas marrjes së njoftimit, shërbimet e Policisë kanë shkuar në vendngjarje dhe po vijojnë kontrollet intensive në zonë, me qëllim identifikimin dhe kapjen e autorit.
Grupi hetimor, nën drejtimin e Prokurorisë, po kryen veprimet procedurale për sqarimin e plotë të rrethanave të ngjarjes.
