Flash

Përplasja e trenave në Spanjë, humbin jetën 39 persona

Lapsi.al 19 January 2026
Përplasja e trenave në Spanjë, humbin jetën 39 persona

Të paktën 39 persona kanë humbur jetën dhe rreth 75 të tjerë kanë mbetur të plagosur si pasojë e një përplasje trenash në Spanjën jugore.

Një tren me shpejtësi të lartë, Iryo, që udhëtonte nga Malaga në Madrid doli nga shinat pranë Adamuz, duke kaluar në shinat e tjera ku u përplas me një tren që po vinte përballë. Operatori i rrjetit hekurudhor Adif tha se përplasja ndodhi rreth dhjetë minuta pasi treni u nis nga Malaga në orën 18:40 sipas kohës lokale (17:40 GMT) duke u drejtuar për në Madrid, pasi doli nga shinat në një pjesë të drejtë të binarit.

Treni i dytë, i operuar nga Renfe i financuar nga shteti, po udhëtonte me rreth 200 km/orë (124 mph) në momentin e përplasjes. Autoritetet thanë se edhe treni i dytë doli nga shinat dhe ra në një argjinaturë.

Katërqind pasagjerë dhe stafi ishin në të dy trenat. Të paktën 24 persona u plagosën rëndë në përplasje, përfshirë katër fëmijë.

Ministri spanjoll i Transportit, Óscar Puente, e përshkroi incidentin si “jashtëzakonisht të çuditshëm”, ndërsa zyrtarët nisën një hetim.

“Të gjithë ekspertët e hekurudhave të konsultuar nga qeveria “janë jashtëzakonisht të hutuar nga aksidenti. Forca e përplasjes i shtyu vagonët e trenit të dytë në një digë. Shumica e të vrarëve dhe të plagosurve ishin në vagonët e përparmë të trenit të dytë. Shkaku i aksidentit nuk dihet ende. Është “shumë e çuditshme” që një dalje nga shinat të ketë ndodhur në një pjesë të drejtë të binarit. Ky seksion i binarit u rinovua në maj”, deklaroi Puente.

Lloji i trenit të përfshirë në aksident ishte një Freccia 1000, i cili mund të arrijë shpejtësi maksimale prej 400 km/orë (250 mph), tha për agjencinë e lajmeve Reuters një zëdhënës i kompanisë hekurudhore italiane Ferrovie dello Stato.

Ekipet e shpëtimit thanë se rrënojat e përdredhura të trenave e bënë të vështirë nxjerrjen e njerëzve të bllokuar brenda vagonëve.

Të këshilluara

Parashikimi i motit për këtë të hënë

Ditën e hënë, vendi ynë do të ndikohet nga kushte atmosferike të qëndrueshme. Moti parashikohet kryesisht i kthjellët në pjesën më të madhe të territorit. Vranë...

07:19

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

12°c

KËMBIMI EURO

89.78

aktuale

Ndiqe Lapsin edhe në

Me interes nga publiku

Me sytë katër

PAPARAZZI