34-vjeçari Everest Aliu, alias Everest Veseli,është vënë në pranga në Laç me qëllimin për ekstradimin e tij drejt Italisë. Policia bën me dije se 34-vjeçari ishte shpallur në kërkim ndërkombëtar. Gjykata e Apelit e Firences e ka dënuar me 6 vjet, 5 muaj e 22 ditë burgim. 34-vjeçari ishte pjesëtar i një grupi kriminal që kryente vjedhje me thyerje në banesa. Mësohet se në muajin shtator të vitit 2014, ky grup ka kryer 12 vjedhje të tilla në banesa në provincën e Florences.
"Shtetasi Everest Aliu alias Everest Veseli, 34 vjeç, u arrestua me qëllim ekstradimin në Itali. Ky shtetas ishte shpallur në kërkim ndërkombëtar pasi Gjykata e Apelit e Firences, me vendimin e datës 22.07.2024, e ka dënuar me 6 vjet, 5 muaj e 22 ditë burgim, si pjesëtar i një grupi kriminal që kryente vjedhje me thyerje në banesa.
Në muajin shtator të vitit 2014, ky grup ka kryer 12 vjedhje të tilla në banesa në provincën e Florences. Interpol Tirana po bashkëpunon me homologët në Romë, për të finalizuar ekstradimin e këtij shtetasi, në Itali", njofton policia.
