Së fundmi është publikuar traileri për filmin kontrovers të Alec Baldwin "Rust".
Filmi, i cili do të dalë në kinema më 2 maj, u filmua kryesisht në vitin 2021, por produksioni u dëmtua nga tragjedia. Xhirimet u ndërprenë në tetor të atij viti kur Baldwin qëlloi gabimisht me një pistoletë të mbushur me fishekë, duke vrarë kineasten 42-vjeçare Halyna Hutchins. Baldwin, 66 vjeç, mohoi të kishte tërhequr këmbëzën.
Gutierrez-Reed përfundimisht u shpall fajtore dhe u dënua me 18 muaj burg, ndërsa çështja kundër Baldwin u pushua në korrik 2024.
Në filmin, i vendosur në Kansasin e viteve 1880, aktori luan një të jashtëligjshëm të quajtur Harlan Rust që shpëton një jetim të ri (Patrick Scott McDermott) i cili është dënuar me varje për vrasje.
“I vetmi rend që ekziston në këtë botë është rendi që ne imponojmë”, thotë një personazh, me sa duket i Baldwin-it, në trailerin që paraqet të shtëna në Perëndimin e Egër. "Nëse njeriu e humbet këtë, ai nuk ka asgjë".
“Rust” pati premierën botërore në nëntor në Festivalin e Filmit Camerimage në Poloni. Një kritik për Vulture shkroi se filmi ka paralele të frikshme me rrugën e tij vdekjeprurëse. Nëna e Hutchins nuk pranoi të marrë pjesë në premierë.
“Alec Baldwin vazhdon të shtojë dhimbjen time me refuzimin e tij për të më kërkuar falje dhe refuzimin e tij për të marrë përgjegjësinë për vdekjen e saj”, tha prindi i pikëlluar në një deklaratë. “Kjo është arsyeja pse unë refuzoj të marr pjesë në festivalin për promovimin e ‘Rust’, sidomos tani kur ende nuk ka drejtësi për vajzën time.
