“Unë kam bërë marrëveshje me PD-në, e cila është programore; për shtetin e vogël, taksat e ulëta dhe çështjen e shqiptarëve të Çamërisë. Se kë ka pas kësaj, një ditë shoh në TV që Berisha kishte bërë koalicion me 25 parti që 90% të tyre nuk i njoh”.
Këtë përgjigje dha në A2 CNN për gazetaren Denisa Pasholli, kreu i PDIU-së Shpëtim Idrizi kur u pyet se është në të njëjtin koalicion me Vangjel Dulen e PBDNJ-së. Sipas itj Berisha duhet të mbajë përgjegjësi pse ka bërë koalicion me Dulen.
“Më tha njëri që ke bërë koalicion me Sali Berishën mirë, po me Dulen nuk e ke bërë mirë. As e njoh e as e di dhe as e kam llogarit Vangjel Dulen. Sali Berisha duhet të mbajë përgjegjësi pse ka bërë koalicion me Dulen. Ata që duhet të kërkojnë llogari është që pse Sali Berisha ka bërë koalicion me Dulen?”
Idrizi thekson se nuk është problemi te minoriteti grek në vendin tonë për të cilin tha se do ta mbështesë nëse i kërkohet, por sipas tij lufta e tij është me shtetin shqiptar dhe shtetin grek.
“Çështja e Çamërisë nuk është me Vangjel Dulen. Një ndër vështirësitë që kam patur me PD është që unë kam mbajtur për Belerin. Nëse Dule është i papranueshëm duhet të jetë për të gjitha forcat politike. Ne e kemi Vangjel Dulen, si përfaqësues i minoritetit grek, por duhet të jetë i papranueshëm për të gjitha forcat politike jo për PDIU, por edhe për PD e PS. Lufta jonë është me shtetin shqiptar dhe me shtetin grek, jo minoritetin grek.
Çfarë lidhje kam unë me minoritetin grek? Nëse do më kërkojnë ndihmë në parlament unë jam gati t’i mbështes. Problemi ynë është i shtetit shqiptar e grek, por nëse njerëzit e perceptojnë Dulen si negativist ka një gjë që nuk shkon. Ne kemi koalicion me PD unë kam firmos me Sali Berishën nuk e kushtëzoj Berishën e PD-se me kë do të bëjë koalicion”.
