211 persona kanë humbur jetën nga përmbytjet katastrofike në Spanjë. Shirat e dendur, që filluan të hënën shkaktuan përmbytje, duke lënë shumë komunitete pa ujë, ushqim ose energji elektrike. Kryeministri i Spanjës Pedro Sánchez ka urdhëruar 5 mijë oficerë policie dhe roje civile të vendosen në rajonin e Valencias. Sánchez tha se dislokimi ishte më i madhi i Spanjës në kohë paqeje, si përgjigje ndaj një prej përmbytjeve më të këqija në Evropë këtë shekull.
Paralajmërimet për një mot të keq mbeten në fuqi në Spanjën veri-lindore dhe jugore deri të dielën. Një tjetër u lëshua në Ishujt Balearik për të shtunën. Deri më tani, autoritetet kanë rivendosur energjinë elektrike në më shumë se 90% të shtëpive dhe kanë rikthyer pothuajse gjysmën e linjave telefonike që ishin prishur. Qeveria autorizoi gjithashtu 100 nëpunës civilë të përkohshëm për të ndihmuar në shpërndarjen e ndihmës financiare.
