Flash

Korrupsioni dhe fshehja e pasurive, SPAK i komunikon tre akuzat Arben Ahmetajt

Lapsi.al 26 March 2024
Korrupsioni dhe fshehja e pasurive, SPAK i komunikon tre akuzat Arben Ahmetajt

Prokuroria e Posaçme i ka komunikuar akuzat ish-zv.kryeministrit, Arben Ahmetajt përmes avokatit të tij. Ndaj tij janë ngritur akuzat për korrupsion, pastrim parash dhe fshehje pasurive. Avokati i Ahmetajt, Henrik Ligori, nuk pranoi të bënte komente për mediat, por pranoi se iu ishte komunikuar zyrtarisht akuza ndaj klientit të tij.

Ahmetaj është nën hetim për veprat penale pastrim parash, korrupsion në 6 raste dhe fshehje pasurie. Në dosjen hetimore thuhet se Ahmetaj ka përfituar dhurata e udhëtime të paguara nga administratorët e inceneratorëve.

Kompania Integrated Energy B.V u themelua në vitin 2017 dhe që nga ajo kohë, ka faturuar qytetarët shqiptarë në mënyra të ndryshme, përfshirë përmes sistemit fiskal për qeverinë apo përmes tarifave të detyrueshme për depozitim mbetjesh. Të dhënat e bilancit të kompanisë të publikuara në Qendrën Kombëtare të Biznesit, tregojnë se mes viteve 2017 dhe 2021, qytetarët i paguan Integrated Energy BV së paku 7.9 miliardë lekë në formën e tarifave koncesionare dhe tarifave të shërbimit të depozitimit.

Në vitin 2021, të ardhurat e kompanisë arritën në 2.6 miliardë lekë. Bilanci i vitit 2022 nuk është depozituar deri më tani në QKB, por të dhënat e pagesave të thesarit të buxhetit të shtetit tregojnë se nga 1 janari 2022 deri më sot, kompania ka përfituar edhe 2 miliardë lekë të tjera. Duke marrë parasysh këtë, dhe të ardhura të tjera që kompania faturon për depozitimet, deri në kohën e sekuestrimit në gusht 2023, fusha e mbetjeve të Tiranës duket se u ka kushtuar taksapaguesve minimalisht 100 milionë euro. Inceneratorët e Fierit dhe Elbasanit i kanë kushtuar së bashku rreth 50 milionë euro.

Të këshilluara

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

13°c

KËMBIMI EURO

89.78

aktuale

Ndiqe Lapsin edhe në

Me interes nga publiku

Me sytë katër

PAPARAZZI