Suki Waterhouse dhe Robert Pattinson do të bëhen prindër. Pas muajsh spekulimesh për shtatzëninë, aktorja konfirmoi se ajo po pret fëmijën e saj të parë gjatë setit të saj në Festivalin Corona Capital në Mexico City të dielën.
“Vendosa të vishja diçka veçanërisht të shkëlqyeshme sot, sepse mendova se mund të largonte vëmendjen nga diçka tjetër që po ndodh,” tha ajo në një video ndërsa bënte gjeste drejt barkut të saj.
“Nuk jam e sigurt nëse po funksionon”, shtoi ajo me shaka.
Përpara njoftimit, burimet i kishin thënë Page Six se Waterhouse dhe Pattinson ishin "të emocionuar" që po fillonin familjen e tyre.
Këngëtarja e "To Love" ndezi për herë të parë thashethemet për shtatzëninë në tetor gjatë një paraqitjeje me aktorin e "Twilight" në GO Awards në Los Angeles.
Çifti u pa më vonë në një shëtitje në Griffith Park të LA në fillim të nëntorit, ku Waterhouse u fotografua me një pulovër blu dhe pantallona të shkurtra gri.
Dyshja janë në lidhje prej pesë vitesh, megjithatë ata kanë arritur ta mbajnë romancën e tyre kryesisht larg vëmendjes. Pattinson dhe Waterhouse bënë debutimin e tyre zyrtar në tapetin e kuq në dhjetor 2022 teksa morën pjesë në një shfaqje të modës Dior në Giza, Egjipt./Lapsi.al
