I bombarduar vazhdimisht nga raketat ruse qyteti port i Mariupol në Ukrainën juglindore prej disa ditësh po vuan nga mungesa e ujit, ushqimit dhe energjisë. Si rrjedhojë e gjendjes katastrofike një fëmijë ka humbur jetën nga dehidratimi. Lajmin e ka dhënë presidentit i vendit Volodymyr Zelensky.
Luftimet në Ukrainë vijojnë prej 13 ditës tashmë. Rusia ka bombarduar disa qytete kryesore, si Kievi dhe Kharkivi, ku mbeti e shkatërruar edhe konsullata e nderit e Shqipërisë aty. Gjithashtu, luftime zhvillohen edhe në qytete të tjera të vendit, sidomos në jug, ku rusët kërkojnë të marrin portin kryesor, në Odessa.
