Ambasada e SHBA në Ukrainë tha të martën se situata e sigurisë në të gjithë vendin “vazhdon të jetë e paparashikueshme”, duke paralajmëruar qytetarët amerikanë që përpiqen të ikin se kushtet në secilin kufi “mund të ndryshojnë shumë shpejt”.
Linjat e pritjes gjithashtu mund të ndryshojnë pa paralajmërim, tha ambasada. Fotot nga pika të ndryshme kufitare kanë treguar radhët e gjata të mijëra njerëzve në pritje për të kaluar.
Ambasada gjithashtu u kujtoi qytetarëve të saj që të mos kalonin në Bjellorusi, duke përmendur “zbatimin arbitrar të ligjeve, rrezikun e ndalimit, sulmin ushtarak rus në Ukrainën fqinje dhe ngritjen e ushtrisë ruse në Bjellorusi përgjatë kufirit me Ukrainën”.
“Mos udhëtoni në Rusi”, shtoi ajo, duke paralajmëruar “mundësinë e ngacmimit ndaj qytetarëve amerikanë nga zyrtarët e sigurisë së qeverisë ruse” dhe “aftësinë e kufizuar të ambasadës për të ndihmuar qytetarët amerikanë në Rusi”.
