Një raketë ose bombë e ka goditur një anije mallrash në pronësi të Bangladeshit në portin ukrainas Olvia të Detit të Zi, duke vrarë një nga anëtarët e ekuipazhit, ndërsa po bëhen përpjekje për t’i shpëtuar të tjerët nga anija, tha të enjten pronari i anijes shtetërore, shkruan The Guardian.
“Anija u sulmua dhe një inxhinier u vra”, tha për Reuters Pijush Dutta, drejtor ekzekutiv i Bangladesh Shipping Corp.
“Nuk është e qartë nëse ishte bombë apo raketë apo cila anë e nisi sulmin. 28 anëtarët e tjerë të ekuipazhit janë të padëmtuar”, tha ai pa dhënë detaje të mëtejshme.
Anija “Banglar Samriddhi” me flamurin e Bangladeshit ishte bllokuar në portin e Olvias pasi pushtimi rus i Ukrainës filloi më 24 shkurt dhe është goditur nga një raketë, tha më herët një zyrtar i ministrisë së jashtme të Bangladeshit.
