Autoritetet në Mariupol kanë akuzuar Rusinë për sulm të qëllimshëm të infrastrukturës të qytetit jugor të Ukrainës, për të ushtruar presion mbi banorët e vendit.
“Përsëri jemi pa drita, pa ujë, pa ngrohje”, thanë zyrtarët lokalë të qytetit, shkruan BBC.
“Po shterojnë furnizimet ushqimore, pasi rusët kanë vendosur bllokada në pikat hyrëse të qytetit”, shtuan zyrtarët.
Qyteti i Mariupolit ka një port strategjik në Detin Azov, që është ende në duart e Ukrainës dhe po ashtu është i rrethuar nga forcat ruse dhe pro-ruse. Ky port ka qenë në shënjestër të bombardimeve të vazhdueshme këtë mëngjes.
