Shumë vende nuk kanë arritur kulmin e variantit Omicron të koronavirusit dhe masat për të kufizuar përhapjen e tij duhet të lehtësohen gradualisht, tha më herët të martën kreu i ekipit teknik të Organizatës Botërore të Shëndetësisë, Maria van Kerkov. Shefi i Situatave Emergjente të OBSH-së, Mike Ryan u bëri thirrje vendeve që të hartojnë rrugën e tyre për të dalë nga pandemia dhe të mos ndjekin verbërisht vendet e tjera në lehtësimin e masave. “Nëse i hapni dyert shpejt, më mirë mund t’i mbyllni ato shumë shpejt,” tha ai.
