Kryeministri italian Mario Draghi i bëri thirrje sot presidentit rus Vladimir Putin që të mos të përshkallëzojë krizën në Ukrainë.
Sipas një deklarate nga Roma, Draghi “theksoi rëndësinë e angazhimit për një de-përshkallëzimin e tensioneve duke pasur parasysh pasojat serioze të një krize përkeqësuese”, sipas një deklarate nga presidenca e Këshillit. Të dy zyrtarët ranë dakord gjithashtu për një angazhim të përbashkët për një zgjidhje të qëndrueshme të krizës dhe për nevojën për të rivendosur një klimë besimi.
Vladimir Putin ka akuzuar autoritetet ukrainase për dështimin në ” përmbushjen e angazhimeve të tyre, veçanërisht në aspektet politike të zgjidhjes së konfliktit” me separatistët pro-rusë në pjesën lindore të vendit, sipas Kremlinit. Të dy krerët ” diskutuan në detaje për përpunimin e garancive ligjore të sigurisë” për Rusinë.
Vladimir Putin këmbënguli se sa “i rëndësishëm është respektimi i parimit themelor të pandashmërisë së sigurisë”, duke thënë se Perëndimi nuk duhet të ndërtojë sigurinë e tij në kurriz të sigurisë së Rusisë. Moska po përgatit përgjigjen e saj.
Në përpjekje për të gjetur një rrugëdalje nga kriza, diplomatët amerikanë dhe rusë pritet të flasin sërish sot, ndërsa Perëndimi përgatit sanksione të rënda ekonomike në një përpjekje për të parandaluar Moskën të nisë një ofensivë të re kundër Ukrainës.
