Rojet bregdetare të Shteteve të Bashkuara po kërkojnë për 39 persona të shpallur të zhdukur pasi anija e tyre u përmbys të shtunën në Florida.
Zyrtarët u njoftuan nga një peshkatar që kishte shpëtuar një person 72 kilometra nga brigjet e qytetit Fort Pierce.
I mbijetuari tregoi se u largua nga Bahamas bashkë me 39 persona të tjerë me një mjet lundrues. Ai sqaroi se gjatë udhëtimit janë përballur me një stuhi të motit të keq, gjë e cila shkaktoi dhe përmbytjen e anijes.
I mbijetuari tha se asnjëri prej personave në bord nuk kishte të veshur një jelek shpëtimi. Rojet bregdetare besojnë se kjo ishte një tentativë trafikimi të qenieve njerëzore.
