Korea e Jugut ka shënuar një rritje të rasteve me koronavirus.
Zyrtarët shëndetësore bënë me dije se të martën u shënuan 4, 444 raste të reja dhe 57 viktima.
Sipas të dhënave nga shërbimi i Kontrollit dhe Parandalimit të Sëmundjeve të Koresë, shkalla e vdekshmërisë ka mbetur e pandryshuar me 0.90%, ndërsa nga janari i 2020 gjithsej janë regjistruar 649, 669 të infektuar.
Sakaq autoritetet theksojnë se në spitale është ulur numri i pacientëve të shtruar në gjendje kritike.
Ndërkohë rreth 83,2% e qytetarëve janë vaksinuar plotësisht, ndërsa 37,7 % kanë marrë vetëm dozën e tretë.
