Talebanët kanë njoftuar se gratë dhe vajzat nuk do të lejohen më që të bëjnë udhëtime të gjata vetëm. Atyre do t’u lejohet kjo gjë vetëm nëse janë të shoqëruara nga një mashkull i familjes.
Rregulli i ri është vendosur pas propozimit të bërë nga Ministria e Promovimit të Virtytit.
Gjithashtu, janë ftuar shoferët që të mos pranojnë gra dhe vajza brenda mjetit të tyre nëse nuk kanë shami.
Disa javë më parë, po kjo ministri u ka kërkuar gazetareve televizive që të mbulohen gjatë raportimeve të tyre.
