Kërkime të dëshpëruara për të gjetur të mbijetuar janë duke u zhvilluar në pjesë të 6 shteteve amerikane të shkatërruara nga tornadot e fuqishëm që kanë lënë të vdekur të paktën 94 persona.
Dhjetëra të tjerë janë të zhdukur dhe qytete të tëra u shkatërruan nga rreth 30 tornado që goditën vendin të premten. Presidenti Biden ka shpallur gjendjen e fatkeqësisë natyrore në Kentaki, shteti më i prekur.
Të paktën 80 njerëz kanë vdekur në këtë shtet, shumica e të cilëve në një fabrikë qirinjsh. Numri i të vdekurve pritet të rritet mbi 100 në këtë shtet.
Zv.guvernatorja e Kentakit, Jacqueline Coleman i tha BBC-së se numri i të vdekurve po vazhdonte të rritet "me çdo orë".
"Të gjitha këto shifra vazhdojnë të rriten... Ekipet tona të urgjencës janë ende duke vëzhguar dëmet dhe po trokasin në dyer dhe u drejtohen njerëzve që përpiqen të kontaktojnë për të parë se kush është gjallë" - tha ajo. ©LAPSI.al
