Shërbimet e Stacionit të Policisë Kufitare Kapshticë kanë sekuestruar 24.530 euro të padeklaruara. Mësohet se teksa po kontrollonin automjetin tip “Opel”, me drejtues 67-vjeçarin J.D., policia konstatoi shumën prej 24.530 eurosh, sasi të cilën ky person nuk i kishte deklaruar. Në cilësinë e provës materiale, policia sekuestroi eurot e padeklaruara të 67-vjeçarit dhe filloi procedimi penal ndaj tij për veprën penale "Mosdeklarimi në kufi i të hollave".
Materialet i kaluan Prokurorisë pranë Gjykatës së Shkallës së Parë Korçë.
