Zjarret vazhdojnë të jenë të pranishme në Vithkuq të Korçës. Për më shumë se 3 ditësh, flakët vijojnë të djegin pisha dhe shkurre. Deri më tani janë djegur rreth 5 hektarë pisha dhe shkurre, pasi terreni është i vështirë për ndërhyrje. Për shkak të situatës, janë shtuar forcat për fikjen e zjarrit. Në luftën me flakët janë angazhuar 20 forca të ushtrisë dhe një mjet zjarrfikës.
Përveç banorëve të Vithkuqit, kanë ardhur në ndihmë punëtorët e shërbimeve të njësive administrative Vithkuq, Mollaj dhe Drenovë e po ashtu detashmenti i mbrojtjes civile të Korçës.
