Presidentja e Kosovës, Vjosa Osmani dhe kryeministri Albin Kurti po qëndrojnë në Aeroportin e Gjakovës, ku po ndjekin nga afër aktivitetet e Forcës së Sigurisë së Kosovës në kuadër të stërvitjes “Defender Europe 21”.
Osmani në këtë vizitë shoqërohet nga bashkëshorti i saj, Prindon Sadriu, i cili ka qenë i veshur me uniformë të FSK-së.
Krerët e institucioneve do t’u bashkohen sot ushtarëve në kampin ushtarak, ku prej 10 ditësh po qëndrojnë pjesëtarët e Forcës që janë pjesë e “Defender Europe 21”.
Operacionet e FSK-së në kuadër të kësaj stërvitje kanë filluar prej 17 majit dhe po zhvillohen në Devë e Babaj të Bokës, në Gjakovë.
Ndërkohë pjesë e kësaj stërvitjeje janë 339 pjesëtarë të Forcës së përfshirë në “Defender Europe 21”.
