Policia e Lezhës ka arrestuar një 48-vjeçar, i cili ishte i shpallur në kërkim. Burime nga uniformat blu bëjnë me dije se është arrestuar Gjovalin Ndoj. Ky i fundit është rezulton të jetë i dënuar me 7 vite burg, për veprën penale ” trafikim i narkotikëve nga Gjykata e Rrethit Gjyqësor Shkodër.
"Vijon puna për kapjen e personave të shpallur në kërkim.
Kapet dhe vihet në pranga një 48-vjeçar i shpallur në kërkim për veprën penale “Trafikimi i narkotikëve”.
Në vijim të punës për kapjen e personave të shpallur në kërkim, shërbimet e DVP Lezhë, në bashkëpunim me DVP Shkodër, në bazë të informacioneve të marra në rrugë operative bënë të mundur lokalizimin, kapjen dhe ndalimin e shtetasit të shpallur në kërkim Gjovalin Ndoj, 48 vjeç, banues në Lezhë.
Ndalimi i këtij shtetasi u bë pasi Gjykata e Rrethit Gjyqësor Shkodër, me vendimin e datës 04.05.2021, e ka dënuar me 7 vite burg, për veprën penale ” Trafikim i narkotikëve.
Ky shtetas, në bashkëpunim me shtetas të tjerë, në vitin 2017, në Velipojë, Shkodër, ka tentuar të trafikojë lëndë narkotike.
Materialet i kaluan Prokurorisë pranë Gjykatës së Shkallës së Parë Shkodër, për veprime të mëtejshme", njofton policia.
.
