Orari zyrtar i votimit në të gjithë Shqipërinë është mbyllur. Megjithatë sipas urdhrit të KQZ-së, në të gjitha qendrat e votimit në të cilat do ketë qytetarë që presin në radhë, procesi do të jetë i hapur deri kur qytetari i fundit të shprehë vullnetin e tij. Pjesëmarrja në zgjedhje ishte mjaft e lartë. Deri në orën 18:00 KQZ raportoi se nga 1654 qendra votimi që kanë informacion nga 5199 në total, qytetarët që kanë votuar janë 45.48%, shifër kjo që pritet që të rritet pas përpunimit të të dhënave deri në orën 19:00, deri kur të votojë qytetari i fundit.
Pas mbylljes së votimit, hapi i radhës është transportimi i kutive për t’i lënë vendin numërimit.
