Kandidati për deputet i Partisë Demokratike, Belind Këlliçi ka publikuar një audio përgjim, ku është i përfshirë kryetari i Njësisë Administrative Vaqarr, Gentian Myrta. Nëpërmjet një postimi në rrjetet sociale, Këlliçi ka nxjerrë një audio ku dëgjohet zyrtari i Partisë Socialiste Myrta që komunikon për shitje toke, drogë dhe para në këmbim të votës. Ky matarial është dorëzuar ditën e sotme në SPAK dhe pritet që ngjarja të hetohet.
“Unë e kam diskutuar dhe i kam thënë që me këtë lloj standardi që i kanë thënë që me 5000 euro janë që e ka në dorë, që është këtu momentalisht, ndërsa e 5000 m shtezë zëvendësojmë, fitojmë thasin me drogë 30 000 euro. Kjo është e gjithë qarku me 5000 euro. Unë po ta them dhe mendimin dhe çmimin sepse jam lodh vetëm nga ky stresi i punës kështu, nga e gjithë situata. Tani unë 5000 metra i kam rujt 1000m tokë, 1050 vetëm për këto shtesa, ça do ti”,- dëgjohet të thotë Myrta në audio-përgjim.
