Shkollat e mesme janë rihapur në të gjithë Greqinë, falë testeve të shpejta që mbushën farmacitë e vendit, përpara disa ditësh.
Banorët kanë të drejtën e një testi të tillë falas, një herë në javë, si pjesë e përpjekjeve të qeverisë për të frenuar hovin e infektimeve të reja dhe shtrimeve në spital.
Përparësi po u jepet fillimisht mësuesve dhe nxënësve të shkollave të mesme të moshës 16-18 vjeç. Atyre që kthehen në shkollë, do t’u kërkohet ta bëjnë testin dy herë në javë. Greqia ka qenë nën masa kufizuese që përfshinin edhe izolimin, që nga fillimi i muajit nëntor. Përgjatë kësaj kohe, shumica e shkollave kanë qëndruar të mbyllura edhe pse u rihapën shkurtimisht për disa javë në fillim të këtij viti.
Greqia ka qenë nën kufizime të tipit bllokim, që nga fillimi i nëntorit dhe shkollat janë mbyllur për shumicën e kohës që nga ajo kohë, megjithëse ato u rihapën shkurtimisht për disa javë në fillim të këtij viti.
Por, megjithë kufizimet e lëvizjet, ato të tubimeve, apo mbylljen e bareve, restoranteve dhe dyqaneve për muaj me radhë, rastet e infektimeve në vend sërish e vazhduan rritjen, dhe aktualisht, spitalet janë nën një trysni të madhe e shumë njësi të kujdesit intensive punojnë me kapacitet të plotë.
