Një person ka mbetur i plagosur me thikë në Gjirokastër. Sipas të dhënave zyrtare, sherri ka ndodhur rreth orës 13:10, në lagjen “Pazari i Vjetër”, Gjirokastër. Pas një konflikti të çastit, shtetasi A. N. ka goditur me mjet të mprehtë shtetasin I. R., rreth 60 vjeç, i cili u transportua për në Spitalin Rajonal Gjirokastër, ku ndodhet jashtë rrezikut për jetën.
Menjëherë në vendngjarje shkuan shërbimet e Policisë dhe bënë të mundur kapjen e autorit, të cilin po e shoqërojnë për në ambientet e Komisariatit të Policisë Gjirokastër. Në vendngjarje ndodhet grupi hetimor dhe po punon për zbardhjen e rrethanave të ngjarjes.
