Një aksident ka ndodhur pranë Drejtorisë së Patentave në Fier. Dy makina janë përplasur me njëra-tjetrën në aksin hyrës të qytetit , e më pas kanë goditur edhe një tjetër automjet. Njëri prej tyre është përplasur edhe me një shtylle ndriçimi. Policia njofton se tre automjetet e përfshirë në aksident janë të markës “Mercedes Benz”.
Sipas hetimeve paraprake, mësohet se njeri prej automjeteve, lëvizte me shpejtësi më të lartë se norma e lejuar ndërsa ka goditur makinën tjetër që dilte nga parkimi. Policia ndodhet në vendin e ngjarjes, teksa aksi kryesor hyrës për në qytet është bllokuar totalisht. Dëme materiale janë të shumta, por fatmirësisht nuk ka të lënduar.
