Pas kthimit nga Turqia, në konferencën për mediat nga aeroporti Nënë Tereza, ku njoftoi mbërritjen e 192 mijë dozave të vaksinës Sinovac, kreu i qeverisë Edi Rama u pyet lidhur me çeljen e fushatës elektorale në sheshin Skënderbej, në kushtet kur komiteti, la në fuqi masat ekzistuese anticovid, për moslejimin e grumbullimeve me më shume se 10 vetë.
“Është çështje fantazie. Grumbullimi sipas ligjit është i kufizuar, por nëse këtu jeni 10 dhe 20 m tutje jeni 10 të tjerë kjo nuk përbën shkelje të ligjit, kjo përbën thjesht një aftësi krijuese për të mundësuar që në shesh të jenë më shumë se sa 10 vetë po ndërkohë mos ketë grumbullim”, u shpreh Rama.
