Koronavirusi ka shkaktuar një tjetër viktimë në radhët e bluzave të bardha. Pas infektimit me COVID-19, mjeku Mehmet Demrozi, neurolog i spitalit të Kavajës është ndarë nga jeta. Lajmi është bërë i ditur nga kolegu Drin Bardhi përmes një postimi në rrjetet sociale.
Mjeku 68-vjeçar ishte i intubuar prej ditësh dhe fatkeqësisht nuk ka arritur ta mposhtë virusin vdekjeprurës, që i ka shkaktuar vdekjen. Pavarësisht se ishte në pension, Demrozi iu përgjigj thirrjes për ndihmë në këtë situatë të vështirë të pandemisë.
