Covid-19 i mori sot jetën një tjetër vajze në moshë të re në vendin tonë.
22-vjeçare S.K. ka ndërruar jetë në spitalin “Shefqet Ndroqi”, pak javë pasi ishte shtruar aty për shkak të përkeqësimit të simptomave të koronavirusit.
Ajo kishte tre javë e intubuar. Dy javë më parë kishte lindur fëmijë, duke qenë në intubim, në muajin e shtatë të shtatzanisë me operacion.
Kujtojmë se vetëm 4 ditë më parë një 22-vjeçare tjetër humbi jetën nga Covid-19. Ndërsa muajin e fundit u ndanë nga jeta edhe një djalë 17-vjeçar dhe një nënë 28-vjeçare. ©Lapsi.al
