Drejtuesi i fushatës së PD-së, Alfred Rushaj ka shpjeguar në ABC arsyet pse disa emra të nxjerrë jashtë nga Komisionit të Vlerësimit të Kandidaturave në këtë parti (i njohur si Ruli – Nishani) u vendosën në listat e kandidatëve për deputetë.
Bëhet fjalë për emra si Tritan Shehu, Ervin Salianji dhe Luan Baci apo edhe konfliktin e interesit në lidhje me drejtuesin e Lezhës, Mark Marku.
“Mbi 90% e listës kanë dalë nga njerëzit që ka filtruar komisioni. Vendimmarrja u mbështet në biografinë që i është bërë gjatë këtij procesi. Mark Marku? Nuk shoh asnjë konflikt interesi, ka qenë Basha që ka insistuar që Mark Marku të jetë” - tha Rushaj.
Ai foli edhe për ndryshimin e minutës së fundit, rikthimin e Luçiano Boçit në listën e Elbasanit duke e cilësuar si një “gabim teknik”. ©LAPSI.al
